Fréttir

Í síðustu viku lyftu ungir iðkendur handknattleiksdeildar Selfoss sér upp og kvöddu tímabilið með viðeigandi hætti. Mikil vinna fer ár hvert í að ala upp handboltafólk, en líka svo margt annað, enda snúast yngri flokkar um fleira en að búa til afreksfólk í handbolta, þar er alla daga verið að ala upp nýja þjálfara, dómara, stjórnarfólk, sjálfboðaliða, foreldra og félagslega sterka einstaklinga inn í samfélagið okkar. Fyrst á dagskrá á samkomunni var að útnefna félaga ársins í yngri flokkunum og það þarf ekki að koma neinum á óvart að Egill Eyvindur Þorsteinsson fékk bikarinn eftirsótta. Hann hefur verið virkilega ósérhlífinn, tekið þátt í mótahaldi, unnið á heimaleikjum meistarafokkanna og tekið að sér aðstoðarþjálfarahlutverk hjá þó nokkrum yngir flokkum. Þess má svo til gamans geta að foreldrar Egils, þau Eva og Þorsteinn voru valinn félagi ársins á lokahófi deildarinnar um miðjan maí.

Sameiginlegt lokahóf Handknattleiksakademíu og 3. flokks Selfoss fór fram um miðjan maí. Þetta var að vanda skemmtileg samkoma, sól á himni og í hjörtum og grillaðar veitingar í mannskapinn. Þó nokkur verðlaun voru veitt og níuu nemendur útskrifaðir úr handboltaakademíunni.

Líf og fjör var þegar handknattleiksdeild Selfoss gerði upp liðið tímabil í maíblíðunni í Hvíta Húsinu. Dagskráin var með hefðbundnu sniði, bongó blíða, hinn lauflétti Ingvar Örn Ákason stýrði partýinu. Verðlaun og viðurkenningar veitt, glæsilegt steikarhlaðborð frá Hvíta Húsinu, skemmtidagskrá meistaraflokks karla, happdrætti, uppboð og kvöldinu svo lokað með trúbadornum Hlyni Héðins.

Bónusmótið 2025 var haldið helgina 25. - 27. apríl

Í gær, miðvikudaginn 28. maí var dregið í vorhappdrætti handknattleiksdeildar Umf. Selfoss hjá fulltrúa sýslumanns.

Mia Kristin Syverud hefur samið við handknattleiksdeild Selfoss til ársins 2027.

Vorhappdrætti Handknattleiksdeildar er komið á fullt

Hulda Hrönn Bragadóttir hefur framlengt samning sinn við handknattleiksdeild Selfoss til ársins 2027.

Línumaðurinn Elvar Elí Hallgrímsson hefur framlengt samning sinn við handknattleiksdeild Selfoss til ársins 2027.

Ída Bjarklind Magnúsdóttir hefur samið við Handknattleiksdeild Umf. Selfoss til þriggja ára.