2. flokkur í bikarúrslit

2. flokkur karla sigraði Stjörnuna 4-3 í undanúrslitaleik Bikarkeppni KSÍ og tryggði sér farseðilinn í útslitaleikinn. Sesar Örn Harðason skoraði tvö mörk í fyrri hálfleik, það fyrsta á 14. mínútu en það seinna á 34. Stjörnumenn svöruðu jafn harðan fyrir sig og var allt jafnt, 2-2 í hálfleik. Seinni hálfleikur var var varla byrjaður þegar Elvar Orri Sigurbjörnsson kom okkar mönnum í 3-2 með frábæru marki. Þorlákur Breki Baxter skoraði fjórða mark Selfoss á 69. mínútu og útlitið orðið nokkuð gott. Stjörnumenn minnkuðu muninn stuttu seinna og við tóku spennandi loka mínútur. Mikil barátta var það sem eftir lifði leiks en ekkert mark var skorað og 4-3 sigur því staðreynd. Virkilega frábær frammistaða hjá Selfoss. Við tekur úrslitaleikur gegn Víkingum frá Reykjavík, sá leikur er settur á miðvikudaginn 20. september en leikvöllur er óákveðinn. 

Áfram Selfoss