Eva María með góðan árangur í hástökki

Eva María með verðlaunin sín fyrir að stökkva yfir 1.80m og lenda í 4.sæti

Hin bráðefnilega Eva María Baldursdóttir keppti á sunnudaginn í hástökki á ACC (Atlantic Coast Conference) meistaramóti sem haldið var í Louisville KY.  Eva María endaði í 4.sæti þegar hún vippaði sér yfir 1.80m í þriðju tilraun og átti góða tilraun við 1.83m.  Sigurvegarinn stökk yfir 1,89m.  Eva María vann sér inn 4 stig fyrir skólann sinn (Pittsburgh) með stökkinu og jafnaði einnig eigið HSK met í flokki 20-22 ára sem hún setti þann 19.jan sl.  HSK metið í kvennaflokki er í eigu Þórdísar Gísladóttur frá árinu 1988 en það er 1.87m.