Elsa Karen, Silvia Rós, Birta Rós, Þórunn, Karolína Helga, Birta Sif, Kristín María, Katrín Drífa, Victoria Ann, Magdalena Ósk og Axel Ívan eru öll í landsliðshóp fyrir EM 2024.
Landsliðsþjálfarar Fimleikasambands Íslands hafa gefið út landsliðshópa fyrir Evrópumót 2024.
Ísland stefnir að því að senda 5 landslið til keppni, 2 lið í fullorðinsflokki og 3 lið í unglingaflokki. Landsliðshóparnir samanstanda af 15 iðkendur hver, sem munu æfa saman í sumar og undirbúa sig fyrir Evrópumótið sem fer fram í Azerbaijan í október. 11 þessara iðkenda eru frá Fimleikadeild Selfoss og eigum við iðkendur í öllum landsliðshópunum fimm. Í ágúst verður iðkendum í hópunum fimm fækkað úr 15 niður í 12 og verða þá eftir þeir 60 iðkendur sem keppa fyrir Íslands hönd á Evrópumótinu. Það er því mikið undir í sumar hjá þessum hæfileikaríku iðkendum fimleikadeildarinnar, sem koma til með að leggja sig öll fram í æfingum sumarsins til að auka líkur sínar á að vera í lokahópnum í ágúst.
Auk þessara 11 iðkenda eigum við 3 landsliðsþjálfara í þessu verkefni, en Aníta Þorgerður Tryggvadóttir þjálfara drengjalandsliðið og Mads Pind og Tanja Birgisdóttir þjálfa stúlknalandsliðið.
![Aníta Þorgerður, þjálfari drengjaliðs Íslands](/static/files/_blob/91vhapobrlmliw3aqgq0k.jpg)
![Mads Pind, þjálfari stúlknaliðs Íslands](/static/files/_blob/r0whfvei64sigaz4mb1w.jpg)
![Tanja, þjálfari stúlknaliðs Íslands](/static/files/_blob/48q3i2e9pc3dufrydr2m2c.jpg)
Þetta er mikið afrek hjá þessum iðkendum og þjálfurum og hlökkum við til að fylgjast með þeim á þessari vegferð - vonandi alla leið til Azerbaijan!
Innilega til hamingju <3
![](/static/files/_blob/4j7gzxrlv06kr271e1yf7h.jpg)
![](/static/files/_blob/8waq4tqrkrx8ijl5pbtp9.jpg)
![](/static/files/_blob/mm9c3934a4c6zbpp5wa7m.jpg)
![](/static/files/_blob/mu2cuzoe86a7kcq9qa8ayo.jpg)
![](/static/files/_blob/q7n7849yc8ndufe3fb7dt.jpg)