Atli Kristinsson með slitið krossband og verður ekki meira með

Heimasíðan fékk þær slæmu fréttir að Atli Kristinsson sleit krossbandið og verður núna frá í allt að ár. Augljóst er að þetta er gífurlega mikil blóðtaka fyrir Selfoss liðið, en Atli hefur verið mikilvægur bæði sóknarlega og varnarlega og einnig mikill leiðtogi í liðinu. Heimasíðan vill svo taka það fram að Atli var ranglega orðaður við Akureyri í sumar og auðvitað ekkert til í þeim sögum. Enda Atli alltaf verið traustur Selfyssingur og verður hans sárt saknað. Heimasíðan óskar honum skjóts bata og vonar að hann komi tvífalt sterkari til baka.