Dregið í 16-liða úrslit

Í gær var dregið í 16-liða úrslit Poweradebikarsins, bæði í karla og kvennaflokki.  Þar áttu Selfyssingar fulltrúa í báðum skálum, þó hafa karlarnir ekki leikið leik sinn í 32-liða úrslitum.

Strákarnir eiga leik við ÍH í 32-liða úrslitum, en hann fer fram í Kaplakrika föstudagskvöldið 1. nóvember kl 20.00.  Komist þeir í gegnum það verkefni þá bíður þeirra ekki minna verkefni, en Selfoss mun þá taka á móti hinu liðinu frá Kaplakrika, Íslandsmeisturum FH, í Set höllinni.  Miðað er við að 16-liða úrslit fari fram sunnudaginn 17. nóvember.

Stelpurnar upplifðu dejavoo í gær, en annað árið í röð taka þær á móti Fram í Set höllinni í eina Olísdeildarslag 16-liða úrslitanna.  Miðað er við að leikir 16-liða úrslita fari fram 4. eða 5. nóvember.  Nákvæm tímasetning mun verða kynnt á samfélagsmiðlum Selfoss handbolta þegar nær dregur.  Hér að neðan má sjá dráttinn í heild sinni.

16-liða úrslit Poweradebikars kvenna

• Selfoss – Fram
• Víkingur – Fjölnir
• HK – ÍBV
• KA/Þór – Stjarnan
• FH – Grótta
• Afturelding – ÍR

16-liða úrslit Poweradebikars karla

• ÍH eða Selfoss – FH
• Hvíti Riddarinn eða Víkingur – Fram
• Haukar – ÍBV
• HK – Afturelding
• Valur – Grótta
• ÍBV 2 eða Þór – ÍR
• Víðir eða Hörður – KA
• Stjarnan – Fjölnir