Ólafur setti tvo HSK met

HSK Ólafur Guðmundsson

Meistaramót öldunga í frjálsíþróttum var haldið í Frjálsíþróttahöllinni í Laugardal um síðustu helgi. Sjö keppendur af sambandssvæði HSK tóku þátt og unnu allir til verðlauna. Sagt var frá mótinu á vef HSK.

Þrír keppendur okkar settu samtals fimm HSK met á mótinu. Þorsteinn Magnússon setti tvö met, hann bætti mánaðargamalt met sitt í 800 metra hlaupi í flokki 35-39 ára  um rúmar fjórar sekúndur, hljóp á 2;14,24 sek.  Þá setti hann nýtt HSK met í 3.000 metra hlaupi í sama aldursflokki þegar hann hljóp á 10;21,97 mín.

Ólafur Guðmundsson bætti einnig tvö HSK met á mótinu í flokki 45 – 49 ára karla.  Hann hljóp 60 metrana á 7,79 sek, en hann átti gamla metið sjálfur, sett í fyrra og var 7,82 sek.  Hann bætti einnig ársgamalt met sitt í 200 metra hlaup  um 0,3 sek. hann hljóp nú á 25,43 sek.

Loks bætti Guðmundur Nikulálsson eigið HSK met í 800 metra hlaupi í flokki 50-54 ára.  Hann hljóp á 2;37,72 mín, en ársgamalt met hans var 2;42,58 mín.

Heildarúrslit mótsins má finna á mótaforritinu Þór.

---

Mynd: Ólafur heldur áfram að setja HSK met.
Ljósmynd af vef HSK