Selfossliðið vann stigakeppnina örugglega

MÍ 11-14 Selfyssingar

Aldursflokkamót HSK í frjálsíþróttum fyrir keppendur 11–14 ára var haldið í Þorlákshöfn sl. sunnudag, samhliða héraðsleikunum. 79 keppendur frá 10 félögum voru skráðir.

Eitt HSK met var sett á mótinu, en Hákon Birkir Grétarsson, Selfossi, bætti HSK metið  í 60 metra grindahlaupi. Hann hljóp á 9,64 sek og bætti met Styrmis Dan Steinunnarsonar sem var 10,01 sek.

Keppt var um gull, silfur og brons í öllum greinum og þá var keppt um bikar fyrir stigahæsta félagið. Selfyssingar höfðu mikla yfirburði í stigakeppninni og unnu örugglega með 430 stig. Þór varð í öðru með 135 stig og Hrunamenn í því þriðja með 111 stig.

Heildarúrslit eru á Þór - Mótaforriti FRÍ en hér að neðan má sjá úrslitin í stigakeppni félaga.

Myndir frá mótinu eru á heimasíðu HSK.

Stig félaga:

1. Selfoss            430 stig
2. Þór                   135 stig
3. Hrunamenn    111 stig
4. Dímon           83,5 stig
5. Hekla                54 stig
6. Laugdælir        50 stig
7. Garpur              31 stig
8. Biskupst.          29 stig
9. Gnúpverjar      25 stig
10. Þjótandi            10 stig

---

Selfyssingar unnu yfirburðarsigur á mótinu.
Ljósmynd: HSK/Guðmunda Ólafsdóttir