Íþrótta- og útivistarklúbburinn

UMFS

Íþrótta- og útivistarklúbburinn verður starfræktur í sumar á vegum Ungmennafélags Selfoss eins og síðastliðin sumur. Klúbburinn er fyrir öll börn fædd 2003–2008. Boðið verður upp á fjögur tveggja vikna námskeið frá 10. júní til 2. ágúst.

Markmið námskeiðanna í klúbbnum er fjölbreytileiki og skemmtileg hreyfing með mikilli útiveru og íþróttum í góðum félagsskap. Börnin fá að kynnast sem flestum íþróttagreinum og stefnt er að því að þau nái betri líkamlegri færni og eflist félagslega.

Hægt er að velja hálfan dag eða heilan, fyrir eða eftir hádegi. Einnig verður boðið upp á hollan hádegismat með ávöxtum og grænmeti allt eftir því hvað hentar börnunum. Hvert námskeið stendur yfir í tvær vikur.

Námskeiðin í sumar verða sem hér segir:

1. námskeið: 10. júní – 21. júní
2. námskeið: 24. júní – 5. júlí
3. námskeið: 8. júlí – 19. júlí
4. námskeið: 22. júlí – 2. ágúst

Skráning er í netfangið sumarnamskeidumfs@gmail.com eða á fyrsta degi hvers námskeiðs.

Við hlökkum til að hitta hressa krakka í sumar.

Verð á námskeiðum:

Hálfur dagur kl. 9-12 eða kl. 13-16                                            Kr.   8.500 / (6.375*)

Hálfur dagur kl. 8-12 með aukagæslu 8-9 eða 12-13          Kr.   9.500 / (7.125*)

Heill dagur kl. 9-16 með gæslu 12-13                                       Kr. 14.000 / (10.500*)

Heill dagur kl. 8-16 með gæslu 12-13 og 8-9 eða 16-17     Kr. 15.000 / (11.250*)

Heill dagur kl. 8-17 með gæslu 8-9, 12-13 og 16-17            Kr. 16.000 / (12.000*)

* Syskinaafsláttur er 25% á 2. og 3. barn.

 Með kveðju frá íþrótta- og útivistarklúbbnum 2013 - þar sem leikurinn verður í fyrirrúmi.