Fjölbreytt verkefni yngri iðkenda Selfoss

36375584_10216846237976906_825987400034418688_o

Á síðustu misserum hafa yngri iðkendur knattspyrnudeildar tekið þátt í fjölda verkefna undir merkjum Selfoss. Yfir 50 strákar úr 7. flokki fóru á Norðurálsmótið á Akranesi og stóðu sig frábærlega í roki og rigningu.

5. flokkur kvenna og 6. flokkur karla ferðuðust til Vestmannaeyja og tóku þátt á Pæjumóti TM og Orkumótinu, bæði mjög stór mót fyrir þessa aldurshópa. 23 stelpur og 32 strákar fóru frá Selfossi og voru við með í landsliðs- og pressuleikjum í báðum mótum.

Á Selfossi var haldið Íslandsmót í 6. flokki kvenna, svokallað hnátumót þar sem okkar stelpur voru með fimm lið skráð til leiks og voru einhver liðin hársbreidd frá því að komast í úrslitakeppni mótsins.

3. flokkur karla og kvenna eru þessa stundina stödd í Barcelona á Spáni að taka þátt í árlegu móti, Barcelona Cup. Virkilega stórt og skemmtilegt mót sem fer fram við bestu aðstæður í frábæru veðri og hafa okkar lið staðið sig mjög vel það sem af er móti.

Framundan er  N1 mót 5. flokks karla sem fer fram á Akureyri þar sem við erum að sjálfsögðu með fulltrúa eins og síðustu ár ásamt því að 5.-7. flokkar kvenna fara á Símamótið, langstærsta stelpumót ársins um miðjan júlí.

Virkilega gaman að fylgjast með öllum þessum krökkum ferðast um landið undir merkjum okkar félags og fá frábær verkefni við sitt hæfi.

Áfram Selfoss