Fréttir

Á dögunum skrifuðu fjórir strákar úr 3. og 4.flokk undir samning við handknattleiksdeild Selfoss. Það voru þeir Hannes Höskuldsson, Haukur Páll Hallgrímsson, Tryggvi Þórisson og Reynir Freyr Sveinsson.

Frístundaakstur hefst innan Sveitarfélagsins Árborgar mánudaginn 3. september í samstarfi við Guðmund Tyrfingsson ehf.Frístundabíllinn mun aka alla virka daga frá því um klukkan 13:00-15:30 og hefur það hlutverk að keyra börn frá frístundaheimilum og skóla í íþrótta- og frístundastarf innan sveitarfélagsins.

Selfoss sigraði lið Dragunas með sex mörkum, 34-28, þegar liðin mættust í fyrstu umferð Evrópukeppni félagsliða (EHF cup) í gær.

Karlalið Selfoss leikur tvo leiki við Klaipeda Dragunas frá Litháen, í Evrópukeppni félagsliða nú í byrjun septbember.  Fyrri leikur liðanna fer fram á Selfossi  nú á laugardaginn og seinni leikur liðanna fer fram ytra sléttri viku seinna.  Dragunas liðið á skemmtilega tengingu við mann í Þorlákshöfn, en sá heitir Rafn Gíslason.  Hann hannaði og teiknaði merki Draguns.  Samkvæmt því sem Rafn segir þá kom það til vegna þess að hann hafði hannað og teiknað merki fyrir íþróttaliðið Stál Úlf.

Tómstundamessa Árborgar fer fram í íþróttahúsi Vallaskóla miðvikudaginn 29. ágúst. Viðburðurinn er haldinn í góðu samstarfi við grunnskóla, íþróttafélög, æskulýðsfélög og aðra aðila sem vinna með tómstundir barna á leik- og grunnskólaaldri í sveitarfélaginu.Á tómstundamessunni verður hægt að kynna sér þau fjölmörgu námskeið og æfingar sem standa til boða fyrir börn og unglinga í Sveitarfélaginu Árborg.

Á dögunum endurnýjuðu sex stúlkur úr 3.flokk samninga sína við Selfoss til tveggja ára. Það eru þær Sigríður Lilja Sigurðardóttir, Elín Krista Sigurðardóttir, Rakel Guðjónsdóttir, Katla María Magnúsdóttir, Agnes Sigurðardóttir og Sólveig Erla Oddsdóttir.

Pólverjinn Pawel Kiepulski hefur samið við handknattleiksdeild Selfoss til þriggja ára. Pawel er 31 árs gamall markmaður sem spilað hefur í efstu deild í Póllandi allan sinn feril, nú síðast með liðinu GSPR Gorzów Wielkopolski.

Það var nóg um að vera hjá bæði meistaraflokk kvenna og karla í vikunni, en bæði lið kepptu á æfingamótum. Meistaraflokkur kvenna tók þátt í Bauhausmótinu í Valsheimilinu.

Nú er í slétt vika í fyrsta leik vetrarins, leik Selfoss og Dragunas í Evrópukeppni félagsliða.Almenn miðasala er nú hafin og fer hún fram í verslun Baldvins & Þorvaldar.

Við viljum minna á forsöluna fyrir leik Selfoss og Dragunas í Evrópukeppni félagsliða (EHF cup) þann 1. september nk.Forsalan fer fram í Iðu í kvöld, á milli klukkan 18 og 20.