Fréttir

Haustmót í hópfimleikum fer fram núna um helgina 22.-23.nóvember á Selfossi. Alls eru rúmlega 600 keppendur skráðir til keppni í 52 liðum.

Fimmtán ungmenni tóku þátt í verkefni á vegum ungmennaráðs Ungmennafélags Íslands sem haldið var á Laugarvatni á dögunum.Verkefnið bar heitið Leiðtogasólarhringur en ungmennaráðið hafði veg og vanda að dagskránni.

Bæjarráð Sveitarfélagsins Árborgar hefur samþykkt samhljóða að styrkja fimleikadeild Ungmennafélags Selfoss um þrjár milljónir króna vegna kaupa á lendingardýnum við stökkgólf og trampólín.Dýnurnar sem fyrir eru, eru komnar til ára sinna og ítrekað hefur þurft að gera við þær að því er greint var frá við umsóknina um styrkinn.Nýju dýnurnar eru keyptar með 30% afslætti en þær voru keyptar hingað til lands í tengslum við Evrópumót í hópfimleikum, sem fram fór í Laugardalshöll í síðasta mánuði.

Selfyssingurinn Hrafnhildur Hanna Þrastardóttir hefur verið valin í landsliðshóp Íslands fyrir leikina í forkeppni HM 2015 við Ítalíu og Makedóníu.

Sveitakeppni karla var haldin laugardaginn 15. nóvember í Laugardalshöll. Alls kepptu átta sveitir á mótinu og mætti Júdódeild Selfoss með eina sveit til keppninnar.Júdódeildin varð fyrir áfalli fyrr í vikunni þegar okkar sterkasti júdómaður Þór Davíðsson meiddist á öxl.

Silfurleikar ÍR voru haldnir í Frjálsíþróttahöllinni í Laugardal, laugardaginn 15 nóv.  Skemmst er frá því að segja að Selfosskrakkarnir stóðu sig mjög vel og voru áberandi á vellinum.  Samtals unnu þau til 7 gullverðlauna, 7 silfurverðlauna og 3 bronsverðlauna.

Það er föngulegur hópur af krökkum sem æfir taekwondo í Þorlákshöfn. Taekwondodeild Selfoss hefur verið með æfingar þar undanfarin misseri og eru þeir iðkendur sem lengst eru komnir með blá og græn belti.Iðkendur eru áhugasamir og mæta mjög vel.

Meistaraflokkur karla í handbolta gerði í gær jafntefli við KR, 26 -26. Selfyssingar voru frekar stirðir í gang og höfðu KR-ingar frumkvæði í upphafi leiks.

Selfoss tók á móti Gróttu í níundu umferð Olísdeildarinnar á laugardag. Fyrir leikinn höfðu stelpurnar okkar ekki tapað á heimavelli í vetur.

Þrír leikmenn Selfoss voru valdir á landsliðsæfingar U19 kvenna sem fram fara í Kórnum um helgina. Leikmennirnir sem um ræðir eru Erna Guðjónsdóttir, Hrafnhildur Hauksdóttir og Katrín Rúnarsdóttir.